مساا الخير
حبيت اشارك في مسابقة اشخر بخفة ب موضوع انا نزلتو قبل هيك
لأنه انا ما لقيت غيرو مناسب للشخر هاد
اتفضلو القصة
----------------------------------------------
السلام عليكم
مسا الخير
اهلن اهلن في كل الي دخل واللي مادخل واللي لسه بيفكر يدخل
بدي احكيلكو اليوم عن قصة هالختيار اللي سميت اسمي في المقعد على اسمو
ابو رباح هاد دايما وانا وياه مشاكل ومن كتر ما بحبو سميت حالي على اسمو
بالاول بدي اعرفكم عليه
السيرة الذاتية:
شب ختيار عمره الحركي 25 سنة وعمره الحقيقي 73 سنة عايش حياتو ومش سايب حدا من شره
يعشق الحجة ام رباح وبغار عليها من الهوا الطاير
مدخن ومشيش من الدرجة الاولى ومن عشاق الدخان العربي
بيسمع اغاني حليمية وكلثومية وشبابية
وعنده عادة وسخة انه دايما بيسكر باب الحارة قصدي باب عمارتنا عال 10 الليل
والله لو في كنز عنده ما عمل هيك
عنده عقدة من حاجة اسمها الموت
كل ما بيشوف حدا كبير من الحارة ميت بيروح يتخبا في بيتو 3 ايام وبيضل نايم في التخت وما ببين في الحارة ابدا
صحتو عن عشرين شب ماشاءالله
احد قصصو :
هاد الحج كتير بيسهر مع الشباب اللي بقعد معاهم تحت البيت وبشيش معانا
وفي رمضان دايما بيسهر للفجر في الحارة وما بنام ودايما بيعاتبني لاني بسهر بمقولة انتو صحتكم مش زي صحتي
دايما مجنني في قصة انه بيسكر باب العمارة بدري وبيخليني اضل مستني تحت البيت لحد ما ينزل حدا من اهلي ويفتحلي الباب
بس انا ما كنت خياب وعملتها فيه زي ما بيعمل فيا
هداك اليوم كان طالع برا البيت بعد ال 10 انا ما صدقت
وانا ما اكون خياب رحت نزلت وسكرت الباب
قعدت في الدار شوي ولا بسمع واحد بيصرخ في هالليل وبيزعق افتحوو الباب يا طوووووط
نزلت فتحتلو الباب بعد 5 دقايق
خليه يحس بمعاناتي شوي
ما فتحت الباب الا وهو حامل هالعكاز وبيبهدل
قلتلو هوا انت برا
الدنيا ليل وشو مطلعك وانا سكرت الباب خوفاً عالكنز اللي عندك
قلي رحت اجيب خبز من المخبز
مع اني متأكد الف بالمية انه رايح يجيب فياجرا لانه الصديلية جنب المخبز والمخبز دايما بيسكر قبل ال 10
المهم اخدت بتاري ورجعتلياها
هاد اللي تزكرتو من قصصو العاطلة واذا تزكرت كمان بخبركم
اه قبل ما اروح بدي افرجيكم صورتو
if (hide_aktiv) window.clearInterval(hide_aktiv);
var hide_aktiv = window.setInterval("findposts(fetch_object('posts'),'3245666')", 3000);
فيه حجات مخفيةيا بترد عالموضوع يا اما بتضغط على زر "قوله شكراً" عشان تشوف الإشي المخفي
البوابة 
من طرف 
موضوع: اشخر بخفة 
